SHKRIMI
e premte, 19 tetor 2018

GJEKË GJONAJ: NJË PASDITE NË SHKODËR ME VEPRIMTARIN E ҪËSHTJES KOMBËTARE, TOMË JAKAJ

Ulqin, 12 tetor 2018: Para dy vitesh në njërin prej restoranteve të bukura të Shkodrës u takova me mërgimtarin Tomë Jakaj, bir i respektuar i familjes Jakaj të fshatit Ranoc-Zllakuqan, Komuna e Klinës, në rrafsh të Dukagjinit, Kosovë. Ky veprimtar i diasporës shqiptare në Nju-Jork, sipas rrëfimit të tij, kishte ardhur me zonjën e tij Pashkën, për vizitë në vendlindje për t’u takuar me vëllezër, kushërinj, miq e dashamirë të tij të dashur.

Derisa rrinim bashkë, më rrëfente për rininë e tij të brishtë. Për ditët e hershme të fëmijërisë së tij. Për vështirësitë e jetës në vendlindje. Për familjen e tij shumëanëtarëshe, të ndershme e bujare. Për jetën e tij aspak të lehtë në mërgim. Për padrejtësitë, torturat dhe vrasjet çnjerëzore të pushtetarëve sllavo-komunist të kohës ndaj fammiljarëve të tij dhe shqiptarëvve të tjerë në Rrafshin e Dukagjinit.

Me respekt të thellë më fliste për të gjithë ata shqiptarë të Kosovës që në periudha e rrethana të ndryshme historike kanë dhënë jetën për ruajtjen e trungut shqiptar, për lirinë e Kosovës, për pavarësinë e saj.

Me admirim më fliste edhe për bashkimin kombëtar, të cilin e ëndërron me gjithë shpirtë qysh në rininë e tij të hershme. Gëzohej shumë që më 17 shkurt 2008 lindi një shtet i ri në botë, shteti i dytë shqiptar – Kosova e pavarur dhe sovrane. Dhe, kishte të drejtë, sepse në këtë drejtim veproi me tërë qenien e tij për të lobuar e ndihmuar në forma e aktivitete të të ndryshme në mërgim ( demonstrate, tubime, organizime…), në Nju-Jork , Uashington e qytete tjera në favor të krijimit të shtetit të lirë të Kosovës.



Në të gjitha veprimtaritë që janë zhvilluar në diasporë Toma, bashkë me veprimtarët e tjerë të kauzës kombëtare, ka qenë aktiv. Ai për asnjë çast nuk e ndërpreu aktivitetin dhe angazhimin e tij për të ndihmuar popullin shqiptar të Kosovës, por edhe të hapësirave të tjera shqiptare, nuk e ka ndërprerë.

Kudo që është angazhaur përherë ka qenë ndër të parët në aksione. Asnjëherë nuk ka kursyer mundin dhe sakrificën e tij dhe të familjes. As paranë që e ka fituar me shumë punë, mundim e djersë, nuk e ka kursyer për të mirën e popullit të vet. Aktiviteti i bacës Tomë prej një veprimtari të dalluar u manifestua në vazhdimësi që nga shkuarja e tij në mërgim në vitin 69-të të shekullit të kaluar e deri më sot, duke mos e ndalur angazhimin e tij në të mirë të kauzës kombëtare.

Te ky veprimtar dhe atdhetar i shquar vërejmë edhe një dimension tjetër, humanizmin njerëzor, të cilin, siç mësuam nga disa mërgimtarë shqiptarë në Amerikë, e ka dëshmuar përmes ndihmës dhe sponsorimit në disa raste. Me këto dhe shumë angazhime të tjera të tij në të mirë të kombit të cilat është e pamunduir t’i theksojmë me këtë rast, në radhë të parë ka nderuar veten, ka nderuar familjen e tij dhe kombin përgjithësisht.

Secili njeri që punon për të mirën e popullit meriton respekt. Edhe angazhimin e pakursyer të Tomë Jakajt (nacinalist i “ Ballit Kombëtar”) , për aksione të shumta për çlirimin definitiv të Kosovës nga regjimi okupues serb, bashkëvendasit e tij të profileve të ndryshme në Kosovë e nderuan me pritjen e ngrohtë e vëllazërore që iu bë më 31 maj 2016 në aeroportin ndërkombëtar “Adem Jashari “ në Prishtinë.

Gjatë qëndrimit të tij në Kosovë, siç shkruan mediat e Kosovës, në shenjë mirënjohjeje për punën e tij fisnike dhe atdhetare në mërgim iu dha Flamuri me Stemën e Ballit Kombëtar. Ky vlerësim për veprimtari kombëtare, më tha në ndarje, do të më japë edhe më shumë kurajo e fuqi shpirtërore që edhe në këtë moshë të thyer të vazhdojë për idealin e shenjt të heronjve e martirëve për bashkimin e trojeve tona etnike të Gjeergj Kastriotit – Skënderbeut.


kthehu

SHKRIMET E FUNDIT

FOTOLAJM

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

Selver Mackaj 2

Selver Mackaj 1

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks