SHKRIMI
e diel, 22 shtator 2019

SEJDI GEGA: BACA I SHQIPTARISË, TËRË JETËN NË SHËRBIM TË KOMBIT

Winterthur, 26 Korrik 2019:

Para një viti në mesin e familjarëve; qetësisht u ndatë nga jeta në Prishtinë, me një brengë të thellë në zemër, pa e realizuar ëndrrën e madhe: Bashkimin e trojeve etnike shqiptare, për të cilën u shkrinë si qiri shumë breza shqiptarësh të Kosovës e Shqipërisë.


U bëtë i Amshueshëm!

Largësia e shtoi goditjen mbi ne, që e vuajtëm humbjen fizike të miqve dhe të dashurve tanë, edhe më e madhe ishte goditja për Ju; Simbol i Rezistencës (Nderi i Kombit).

Jeta e solli që Ai e unë, të njiheshim në shkollën e vuajtjes; Akademinë Kombëtare (burgjet famëkqia jugosllave), rektor i së cilës ishte Adem Demaçi: ku mësuam e vepruam së bashku, ku vuajtëm e u gëzuam së bashku.

Nuk mund të rri pa nënvizuar që, personalisht unë i detyrohem më tepër se kujtdo tjetër: Atij njeriu të mirë dhe kurajoz për nxitjen dhe mbrojtjen e fjalës së lirë, për çlirimin dhe bashkimin e Kombit. Sikur ndjej një lehtësim që viteve të fundit do ta takoja më shpesh, do të bisedonim për tema të ndryshme, mbi të gjitha, për Atdheun dhe shokët e veprimtarisë kombëtare, do të bisedojmë për shumë projekte në shërbim të Atdheut e Kombit, do ta shoqërojë në shumë vizita familjare, sidomos të familjeve të dëshmorëve, do ta kalonim kohën në vendet më relaksuese në Kosovë me shokë e familje etj.

Takimi i fundit ishte 10 ditë para ndarjes nga jeta, ndërsa pamja përmes kamerës së telefonit që ma mundësoi zonja e nderuar-Xhemajlija, ishte një ditë para. Ishte Baci në dhomën e fjetjes, flinte qetë në krevatin e Tij. Faqen e djathtë të fytyrës e kishte vendosur mbi shuplakën e djathtë të dorës, edhe në gjumë sikur i qeshte fytyra, i ndriçonte dhe rrezatonte dashuri për të gjithë, thjesht flinte si një Engjëll! Kjo pamje do t’më përcjell deri në vdekje…

Në historinë e kombit shqiptar, hyri si një nga mendimtarët më të shquar dhe më guximtarët të pasluftës së Dytë Botërore, që la pas një trashëgimi politike e letrare nga më të rrallat e kohës së tij, la një familje të mrekullueshme dhe të arsimuar, shembull edhe për të tjerët, mbi të gjitha, la shembullin për gjeneratat e tashme e të ardhshme; veprën e pashembullt të patriotit dhe ndjenjën e sakrificës për hir të çlirimit e të bashkimit të Kombit.

Ishim shumë me fat ne, që ishim në Shkollën e Vuajtjes, në Akademinë Kombëtare (në burgjet famëkqia jugosllave), rektor i së cilës ishte Adem Demaçi dhe prorektor-Ukshin Hoti, që jemi edukuar me veprat dhe qëndrimin e tij të paepur e burrëror, ndihemi po kështu krenarë, sepse duke pasur prijës shpirtërorë simbolin e rezistencës-Adem Demaçin, si dhe profesorin universitar- Ukshin Hotin, me qëllim për të realizuar aspiratat, mësimet dhe synimet e tyre kemi mbështetur fuqishëm luftën e drejtë të tri ushtrive tona çlirimtare.

Ndërkaq, të turpërohen të gjithë ata që bënë mëkate dhe lojërat e ndyra ndaj kombit, Adem Demaçit dhe Ukshin Hotit.

Përballë çdo faqeziu sllav e shqiptar ishe një hero i vërtetë dhe se, përballë politikanëve egoist e karrierist jetove si një lider i ndershëm dhe i përkushtuar shumë për Atdheun.

Ishe shëmbëlltyrë e ndritur patriotike, simbol i rezistencës dhe yll ndriçues, akoma mbeteni ylli ndriçues dhe diamant i çmuar në mesin e shqiptarëve të ndershëm dhe qytetarëve të civilizuar evropian e botëror i tillë mbete edhe për popujt e robëruar.

Faleminderit Baci im i shtrenjtë!

Duke personifikuar atdhetarin dhe luftëtarin e vërtetë të çlirimit e të bashkimit, na bëre krenar edhe para popujve të tjerë. Vepra dhe emiri Juaj, do të jetojnë sa do të jetojë populli shqiptar, si shembull frymëzimi për gjeneratën e tashme dhe të ardhshme.

Pa dyshim, Baca ynë do t’i mungojë shumë familjes e të gjithë neve dhe kombit shqiptar, por kujtimi i tij do të mbetet i gjallë përjetë!

BACA I SHQIPTARISË - HERO DHE NDERI I KOMBIT SHQIPTAR!

Ta paçim borxh respektin, dashurinë dhe përulësinë brez pas brezi!

LAVDI jetës dhe veprës së Adem Demaçit!






kthehu

SHKRIMET E FUNDIT

FOTOLAJM

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

Fazli Berisha - Pashtrik

Selver Mackaj 2

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks