SHKRIMI
e martë, 15 qershor 2021

BRAHIM AVDYLI: SHTEGËTIMET E FJALËS

Bern, 11 janar 2021: (Panorama e fundit e poezive të librit të 11-të)


LËNDINA E MALLIT


1.


Në mes të ëndërres

e malit të kujtimeve

është kjo lëndinë

e mallit të shpirtit,


pikojnë vitet

zemrën e përvuajtur!


2.


Erërat

me rrebëtmin e kryqëzimeve

përplasen rrotull

në qenien tonë


e llogarisim shpresat

para dimrit të acartë

nëpër mjegullat e bardha

të vjeshtës së fatit,


një pikë drite

me dridhjet e këngës

që e përcëllon


ngritet drejtë hapësirës...


3.


Një peng i kahershëm

me gjërat që prore digjen

për dheun e rritjes


dikund

nëpër truallin e dhembjeve


të mbanë përherë

lëndinave të mallit


pa e shpërlarë damarëve

atë etje të rrallë!...




SENTENCAT E PROVAVE


1.


Një ditë

do të plasë

zemra e trishtë


kur shpirti vlon


e mendja rri

me kujdesin amtar

mbi dhembjen,


përpiqet t`ua vë

në peshojë të fjalës

rrebticat e kohës.


2.


Qenia e gjallë

të katër elementet

i kthen në aureolë


e të pestin

nuk e zënë

grushtat e viteve


sepse

materia përceptohet

vetëm me ato

që i zë vështrimi,


prapavija mbetet

e pakapshme-


enigmë e përjetshme!


3.


Cili mund të flasë

me të panjohurën

nëse është i padukshëm,


drita e madhe e Dijes

e mbështjellë

tërë njeriun


por zbardhet dioptria

aq sa e bardha

të humbë në hapësirë.


4.


Po të mos ishte

drita

në të gjitha shtresat


errësira

do të na përpinte

të gjitha gjërat


e nuk do të shkrihej

asnjë materie.


5.


Sikur ta kishim

në dorë të provave

laboratorin e uneve


do të ecte nëpër flakë

e këmbëngultazi

pa frikë


qenia e gjallë e meditimeve!


6.


E si mundet

të shkruhej shpirti

kur nuk është

tabelë e shkrimit,


shkëlqen nga jashtë

me aureolat e ngrohta


e ndjenjat ia dikton

zemrës sonë!


7.


E sheh gjithmonë

me sy të ëngjujve

botën e sertë

e të pafundshme,


ia dikton

me të butë

dufet e ndjenjave,


i pikon mëshira

mes suferinave të ftohta,


e kurrë nuk kthehet

dashuria e vërtetë

në zgavrrën e vet


apo nuk i bjen

shija

sharmi

arti

e kontura e madhësisë.


8.


Kur del shpirti

nga qenia e jonë


trupi kthehet

në një kufomë kohe


kutërbon

qelbësira e pafund

në atmosferën

për rreth,


e hapësira trishtohet

nga dhembjet.


9.


Lum ai

që ia njëh vlerën

atij

që e mbanë gjallë


nëpër batica e zbatica

nëpër ngitje

e zbritje


atij

që ia vlon mendimet,


provat

na dëshmojnë

kalkulimet e fatit!


10.


Ne jemi

një lëvizje përherë


nga materia e dukshme

në materien

e padukshme,


prore

ia themi këngës

apo vajit

deri në botët paralele,


tragjikomedia

është formë e shprehjes

deri në pamundësi,


kurr nuk dëgjohet

zëri i tretur

në botën

e përkohshme...


11.


Nëse na vlon shpirti

vlojnë gjërat

rreth e rrotull,


i ngjajmë kazanit

mbi zjarr

të ndjenjave,


përherë e nxjerrim

nga një sentencë,


kërkojmë në jetë

vërtetimin

e ardhjes sonë!...




DISKURSI I ECJEVE


1.


I lëvizim këmbët

deri në lëndinat e vetmisë


të nxjerrim

idhësimin e ditëve

në natyrë


e natyra e teptisur

na e hedh

jorganin e mjegullave


të na e zë pisk

edhe frymën...


2.


Diskursi i ecjeve

gjatë krizës së vonë

të Koronës

i kaliron rrebticat


përpiqet të na jep

frymëmarrje të lirë

midis qarqit të meditimeve.


3.


Lëndina e malit

e frymëmarjes së derrave

ia mësyen

shpërfilljes së vet


e na i lë provat

e ecjeve tona

deri në pakohësi!...


4.


E ku ta dija përse

kjo ecje malesh

në kujtesë

e paska edhe një shkarje,


disponimi i brishtë

sillet me pahir

deri në këtë lëndinë


për të shkundur

morrat

e lëkurës sonë...


5.


Tani

duhet të ikim

nga ky rrah

malit teposhtë e përpjetë


me revoltën tonë

nëpër duar...


6.


Kush e di

në cilin vend

pushojnë fjalët


diskursi

i ecjeve tona

e ka nga një arësye-


nuk e mundim dot

krizën e shpirtit!




PËRDITË

TË VDES NGA PAK


1.


Pse më ndave

nga mbrojtja e sinqertë

në ato gjyqe të kohës

biri im,


përditë më le

të vdes nga pak

me lot të tharë,


e askund qetësi!


2.


Të bredhë

deri te lojërat e lotëve

përtej liqenit të vetmisë


aty ku përleshem

ndonjëherë me ty

e kohën time pa ty,


brenda kthinave

të paqenura

e paramendoj me vete

fatin e pafatin,


si mund të digjesh

si mund të durosh

përafërsisht e ndjej,


apo sëmundja e jote

e zemra e viteve

kalërojnë jashtë syve të mi


deri në shkatërrim!...


3.


Kam bindjen

e ilusioneve të mia

se dënohesh me pa të drejtë

deri në përjashtim,


informatat e rrejshme

të armiqëve e serbofilëve

i bluajnë

në një mulli fjalësh,


e drejtësia

përpëlitet

sikur të vdesë


në cepat e kohës!


4.


Athua

të kanë shtyer djajtë

të veshur si engjuj


të rënkosh

për të gjallë

me duhmat e shpirtit


e të marrësh inat

me çdonjërin që të do,


të mbetesh prore

i dënuar pa ne


ashtu si unë

i dënuar pa ju

në kohën e pa kohë-


baladë përjashtimesh!...


5.


Rrepticat e vdekjes

serbo-turqia

apo vetë arabia

të padukshme i hedhin,


edhe nëpër ty

e deri në mbytjen tonë

me rrotacion,


në vorbullën e kohërave

apo në vrimën e madhe

të pafatit,


ndërsa vetë

kërkojnë të rrojnë

me lotët

e gjakun tonë-


konglomerat

i gënjeshtrave!...


6.


Kultura e feve

nuk duhet të ngritet

mbi origjinën


e nga kjo gjë

ka lëvizur tërësisht

çështja e përkufizimeve,


abstraktja është platformë

e atyre që merren

me teoritë e rrejshme

mbi ne,


prandaj unë

duhet të përpëlitem

me vitet që më dridhen

në të dy kohërat


e vetminë time t`a vras!...


7.


Ti nuk e kupton

lojën e atyre që duket

sikur të puthin,


ndoshta

kthehesh në tretdhé

i gojuar nëpër dhembjen

e pamatur,


për dikend

je apoetozë


për një tjetër

baladë e pakryer-


fortifikatë askund!...


8.


Kush guxon

të të ndajë

prej pjellës sate


e fëmijët

pa babë t`i lë

tek brenë miza hekur,


athua

demokracia direkte

qenka shpërputhje

më të vërtetën


apo ndoshta është

jetë e përkoshme

e ilusioneve!...


9.


Edhe po të marr

bjeshkët mbi kurriz

nuk ma beson

dhembjen për ty,


ti je i pari

që të bartja kalistrok

edhe nëpër ëndërra,


vdekja ime

nëpër vargje

në çdo dhjetor

më je TI!...




VIJA E DEGËDISJES


1.


Më duket

se çdo ditë ma ndryshojnë

lëndinën time të mallit,


vi në ndonjë mbrëmje

me shiun

apo dëborën e çmedurisë


nëpër truallin e betonuar

plot me mendime të kallura

apo dhembje të shpirtit


dhe e gjëj një tjetër

nga pararendja e pikëtakimit.


2.


Askush

nuk është këndej pari


pos ndonjë copë të ëndërres

të vjerrur

nëpër drizat e kohës,


gjithmonë

ato janë të befta


dalin prej kupës

së mendimeve,


papritur

ia shkrepin më tutje

dënesjes së pafund-


vija e hollë është

e dridhen

regëtimat e shpirtit!...


3.


Më largë

sa e dyta ikje

përtej liqenit të lotëve


është ikja ime

nën urën e mllefit


kur të gjithë djajt

i kam lënë

të zhytur nëpër ujë!...


4.


Se si ndjehem

nuk u intereson specieve

që ndoshta

më afrohen


të vjedhin

suferinave të fatit

si të padukshme


e kullotin

kurreshtinë e tyre

nëpër etapa,


ato nuk ngjajnë

me ditën e merzitshme

që e bluaj kohën!


5.


Edhe ashtu

nuk kemi shumë punë

në këtë mal të dhembjes,


a e dini

rrugën nuk e kam

të humbur shpresash,


por degëdisem

në fluturimin e yjeve!...




OFSHAMË SHPIRTI




Edhe dy-tre rrjeshta

sa për fund

të kësaj dhembje


të dhënë prej unit

edhe në mesin

e kapakëve të kohës,


nuk përfundon këngëtimi

as pas kësaj rreshje

të fijeve të kuptimit,


ka prap përpjekje

t`i paketojmë mendimet

në stile të ndryshme,


është fjalë e peshuar

në librin e zemrës,


e nuk mund të themi

se po ndahemi

pa këngë,


fundi merret si fillim

e çdo fillim

e ka nga një fund-


ofshamë shpirti!...


 


kthehu

SHKRIMET E FUNDIT

FOTOLAJM

Adem Jashari 1955 - 1998

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

Fazli Berisha - Pashtrik

Selver Mackaj 2

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks