SHKRIMI
e mërkurë, 12 maj 2021

MARGARITA SYZIU: NJË BUQETË ME POEZI PËR 7 DHE 8 MARSIN

Toronto (Kanada), 7 mars 2021:

Motive nga “Andra e Jetës”

(Kushtuar motrës time, Antigoni Sota, mësueses së letërsisë, që për 35 vjet e dha këtë lëndë me pasion dhe me një dashuri të veçantë. Si dhe gjithë mësuesve të letërsisë që na ushqyen me vlerat e letërsisë sonë kombëtare.)


Në ëndërr

Ndre Mjedën pashë

S’mu shfaq as si mësues

As si deputet

As si atdhetar i flaktë

Thjesht një famullitar

Me zhgunën e zezë

Deri në grykë mbërthyer

Ulur mbi një gur

Si mbi një varr

Kapuçin mbi kokë shtrëngoi

E “Andrrës së Jetës”

Ia nisi me mall

“Molla t’kputuna nji deget,

Dy qershiza lidhun n’një rrfanë,

Ku fillojnë kufijt’ e Geget,

Rrinë dy çika me nji nanë”.

Sytë nga malet i hodhi

Lugina e bukur përballë

Tek shtegu një Zanë e vogël i doli

Zoga! Thërriti famullitari

E zëri i ëmbël i Zogës e drodhi

“Cice! Del se erdh murgjina,

E mbrapa po vjen Trina,

Me j’qingj të sykës ngrykë”.

Trina…Trina…

Famullitari heshti

Po Zoga nuk rreshti

Te shtegu kish dalë

E nënës i thërriste

“Cice, shka ka sot Trinka,

Qi po priton me u çue,

Zgjoje, të dalë me mue…

Bij’ mos e prek,

Se njomja, tash,

Asht tu folë me Zojën…”

Oh! Trina, Trina…

Famullitari thellë psherëtiu

E lotët i rrodhën ngadalë

S’i fshiu

U zgjova edhe unë në lot

E Trinën nga mendja

S’e nxirrja dot



Pashë…


Një fushë me lule dielli

Pashë

Me Diellin

Kuvendonin

Një tufë me trëndafila

Pashë

Dikujt ia dhuronin

Një kopsht me lule bore

Pashë

Mermereza që ndriçonin

Një rresht të gjatë fëmijësh

Pashë

Me maska mbërthyer

Vetëm sytë dallonin

Kërkova për mimoza

Mungonin


 


Mbas shiut

Pikëzat e ujit mbi degëza qëndrojnë

Perla nuset në gjerdan i venë

S’kisha parë të tillë bukuri

Lotë gati në të rënë


 


Donna

Grua do të thotë

Në njërën nga gjuhët

Më të ëmbla në botë

Donna

Rreze dielli

Donna

Aromë luleje

Donna

Jetë

Ngjyra përtej magjikes

Sa bukur tingëllon

Donna

Në gjuhën e muzikës

Në gjuhën e shenjtë

Dantja i këndoi Beatriçes

Donna

E brishta

E forta

Fisnikja

Përkthehet me germat

E shqipes


 


Jam…

Jam grua

Jam nënë

Jam diell

Jam hënë

Jam mike

Jam motër

Jam vajzë e vogël

Jam bijë

Jam bijë

Jam brenda fëmijë

Jam ajër

Jam ujë

Jam dritë

Errësirë

Jam toka e gërryer

Jam ëndërr e thyer

Jam brengë

Brengë

Jam plagë e mbyllur

Jam plagë që dhemb

Jam ylli që bie

Jam lulja mbi shkëmb


 


Ego

Ti ike

Udhë e mbarë

Kohë e keqe për largim

S’e besoj

Ikur ke qenë edhe më parë

Ikur me egon tënde

E dashura jote plot zjarr

E plotfuqishme

Ajo gjakun ta trazonte

Të ngrinte në krahët e saj

Atje ku Uni triumfonte

Të hidhte në skuta të errëta

Ku drita s’depërtonte

Të mbyllte në vrima të zeza

Torturën ta shijonte

Të linte të lirë

Që prapë t’ia fillonte

I lodhur

Tek pragu t’i shfaqej si përherë

Pendesë e thellë

Drithërimë

Dera e hapur

Mosbesim

Ego

Kjo dashuri e marrë

Torturë e pandalë

Nuk ka shpresë për shërim

E pra

Udhë e mbarë miku im


 


Unë edhe Ti

Dy shina që ndahen

Në një pikë

Me ngarkesën e trenave

Mbi shpinë

Unë edhe Ti

Dy shina të hekurta

Mbi dy lumenj biblikë

Kuq e Zi

Unë edhe Ti

Dy shina të ndara

Në përjetësi


 


Sikur…

Sikur të isha bletë

Nektarin nuk do ta bëja mjaltë

Melhem do ta bëja

Për shpirtrat e vrarë


Sikur flutur të isha

Bukuria mendjen

S’kish për të ma marrë

Virtytit krahët do ia shtrija


Sikur të isha zog

Dallëndyshe

A pëllumb i bardhë

Veç lajme të mira do ju sillja


Sikur burrë të isha

Gruas

Himn do t’i ngrija

_________________________

MARGARITA SYZIU: KOSOVË 2021 (POEMË)

http://www.pashtriku.org/?kat=47&shkrimi=10896


kthehu

SHKRIMET E FUNDIT

FOTOLAJM

Adem Jashari 1955 - 1998

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

Fazli Berisha - Pashtrik

Selver Mackaj 2

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks